Ceyms Qannın “Supermen” filmi Hindistanda gözlənilməz bir problemlə üzləşib.

Hindistanın Mərkəzi Film Sertifikatlaşdırma Şurası (CBFC) filmə UA (13+) yaş həddi verilməzdən əvvəl 33 saniyə davam edən havada öpüş səhnəsini “həddindən artıq erotik” hesab edərək filmdən çıxarıb.

Hökumət müdaxiləsi Hindistanda tamaşaçıların qəzəbinə səbəb olub. Onlar senzura orqanlarını əxlaqi dəyişikliklər etməkdə və Bollivud filmlərinə qarşı ikili standart tətbiq etməkdə günahlandırırlar. Halbuki Bollivud filmlərində tez-tez eyhamlı zarafatlar, qadınlara qarşı cinsiyyətçi yanaşma və erotik məqamlar olur.

Hindistanlı rejissorlar və distribyutorlar uzun müddətdir Hindistanın senzura orqanı olan Film Sertifikatlaşdırma Mərkəzi Şurası ilə gərgin münasibətdədir. Əgər bir film açıq səhnələr, öpüşlər və ya söyüşlər ehtiva edirsə, bu səhnələrin kəsiləcəyi gözləniləndir. Sevgi səhnələri əsasən uzun qucaqlaşmalarla məhdudlaşdırılır. Bu isə Hindistan əhalisinin hələ də konservativ və dini baxışlara sahib olması ilə əsaslandırılır, belə səhnələr insanları narahat edə bilər.