Misirin Qədim Əsərlər Ali Şurasının (SCA) arxeoloji missiyası Qərb səhrasının mərkəzindəki Xarqa vahəsində erkən qibti (xristianlıq dininə mənsub xalq) dövrünə aid şəhərin xarabalığını tapıb.

Daha.az xəbər verir ki, islam və qibti arxeoloji zonası daxilində Ayn əl-Xarab arxeoloji sahəsində yerləşən şəhər Misirin bütpərəstlikdən xristianlığa keçidi haqqında nadir fikirlər təqdim edir.

Tapıntılar arasında yaşayış binalarının, kilsələrin və qəbiristanlıqların xarabalıqları, həmçinin Məsihin xəstəni sağaltdığını əks etdirən divar rəsmləri var.

Qeyd edək ki, yeni tapıntı Misirdə erkən xristianlığa dair qiymətli mənbə kimi dəyərləndirilir, həmçinin qibti dövrünün başlanğıclarına işıq salmaqda əhəmiyyətli faktlar təqdim edir. Xarqa vahəsi bir çox tarixi dövrlərdə dini və sosial mərkəz kimi əsas rol oynayıb və bu kəşf onun əhəmiyyətini daha da təsdiqləyir.