Polşanın Qdansk şəhərində arxeoloji qazıntılar zamanı qeyri-adi hadisə baş verib. Belə ki, dondurma mağazasının altından cəngavər skeleti tapılıb.
Daha.az xəbər verir ki, hazırda fəaliyyət göstərməyən “Mis” (Teddy) dondurma mağazasının altından tapılan cəngavər skeleti 13-cü əsrə aiddir.
Qəbir daşında bir əlində qılınc, bir əlində əlində qalxan tutan fiqur təsvir edilib. Arxeoloqların fikrincə, təsvirdən skeletin adi əsgərə yox, cəngavərə aid olduğu görünür.
Qeyd edək ki, bölgədə 2023-cü ildən bəri davam edən qazıntılar zamanı 1335-1341-ci illər arasında mövcud olmuş, lakin 1454-cü ildə Qdansklılar tərəfindən dağıdılmış Tevton qalasının xarabalıqları, 1140-cı ilə aid taxta kilsə və köhnə şəhərin struktur izləri də aşkar edilib.
