2025-ci ilin ilk 6 ayında ölkə kinoteatlarında ümumilikdə 16 yerli film nümayiş olunub.
Daha.az xəbər verir ki, filmlərin böyük əksəriyyətində – 9 filmdə komediya janrı üstünlük təşkil etsə də, xüsusilə, fantastika, ekşn, tarixi, döyüş, bioqrafik, sosial dram, macəra, psixoloji melodram janrında olan filmlərin də nümayişdə olması görülməkdədir.
2025-ci il ərzində ən çox nümayişdə olan film “Tağıyev. Neft”dir. Filmin nümayişi 01.11.2024-cü ildə bütün şəbəkələrdə başlasa da, hazırda seanslar Nizami Kino Mərkəzində davam etdirilir.
Ölkə ərazisində fəaliyyət göstərən kinoteatrlar yerli film istehsalının həcmini müəyyən etmək üçün vacib göstəricilərdən biridir. Hazırda Azərbaycanda iki özəl kinoteatr şəbəkəsi fəaliyyətdədir: Cinemastercard və Park Cinema. Bunlardan başqa Mədəniyyət Nazirliyinin tabeliyindəki Nizami Kino Mərkəzi də yeni filmlərin nümayişi üzrə xidmət göstərir.
Qeyd edək ki, 2024-cü ilin analoji dövründə kinoteatrlarda 20 yerli film nümayişdə olunmuşdu.
| N | Filmin adı | Nümayiş tarixləri | Nümayiş şəbəkəsi | İstehsalçı | Rejissor | Prodüser | Janr |
| 1 | Səma ilə görüş (2024) | 07.03.2024-05.01.2025 | Nizami Kino Mərkəzi | Azərbaycan Kino Mərkəzi | Rüfət Şahbazov | Orxan Mərdan | dram, ekşn, komediya |
| 2 | Hozu 007 (2024) | 31.10.2024- 23.04.2025 | Cinemastercard, Park Cinema, Nizami KM | 3İ Cinema | İlham Yaşaroğlu | İslam Ağa, Məcid Hüseynov | komediya |
| 3 | Tağıyev. Neft (2024) | 07.11.2024 – davam edir | Cinemastercard, Park Cinema, Nizami Kino Mərkəzi | Bakı Media Mərkəzi | Zaur Qasımlı | Arzu Əliyeva | tarixi, bioqrafik |
| 4 | Səriyyə (2024) | 29.11.2024 – davam edir | Cinemastercard, Park Cinema, Nizami Kino Mərkəzi | Wow media | Əlixan Rəcəbov | Nicat Yüsifzadə | sosial dram, komediya |
| 5 | Evdə qalmış 2 (2024) | 13.12.2024-06.04.2025 | Cinemastercard, Park Cinema, Nizami Kino Mərkəzi | AND Production | Valeh Əhmədov | Valeh Əhmədov | komediya, melodram |
| 6 | Apatiya 2 (2025) | 09.01.2025 – davam edir | Cinemastercard, Park Cinema, Nizami Kino Mərkəzi | HR Film Production | Hikmət Rəhimov | Hikmət Rəhimov | dram |
| 7 | Otel Loo (2025) | 14.02.2025-23.04.2025 | Cinemastercard, Park Cinema, Nizami Kino Mərkəzi | 3İ Cinema, Gold Cine Vision | Elvin Rüstəmzadə | İslam Ağa | komediya |
| 8 | Spinozanın tanrısı (2025) | 28.02.2025-02.04.2025 | Cinemastercard, Park Cinema, Nizami Kino Mərkəzi | Pelican Film Production | Cavid Təvəkkül | Rəsul Allahverdiyev | psixoloji melodram |
| 9 | Qapı (2024) yenidən nümayiş | 13.03.2025 – davam edir | Cinemastercard | VASH media | Vüsal Əhmədzadə | Vüsal Əhmədzadə | kriminal, tragikomediya |
| 10 | Hal (2025) | 27.03.2025-09.04.2025 | Park Cinema, Nizami Kino Mərkəzi | Qatfar film | Sədaqət Kərimova | Sədaqət Kərimova | dram |
| 11 | 4 təkər (2025) | 03.04.2025-25.04.2025 | Cinemastercard, Park Cinema, Nizami Kino Mərkəzi | Alioglu Media Group | Amil Ali | Amil Ali | komediya, macəra |
| 12 | Bəlkə də (2025) | 03.04.2025 – davam edir | Cinemastercard, Park Cinema, Nizami Kino Mərkəzi | Art Bakers | Taleh Yüzbəyov | Taleh Yüzbəyov, Nicat Muxtarov | fantastika, mistika, tragikomediya |
| 13 | Tağıyev. Çar (2025) | 03.04.2025 – davam edir | Cinemastercard, Park Cinema, Nizami Kino Mərkəzi | Bakı Media Mərkəzi | Zaur Qasımlı | Arzu Əliyeva | tarixi, bioqrafik |
| 14 | Heykəl (2025) | 17.04.2025 02.06.2025 | Cinemastercard, Park Cinema, Nizami Kino Mərkəzi | NN Film | Natiq Novruzov | Natiq Novruzov, Rəşad Nuri | komediya |
| 15 | Xocalı. Son toy (2025) qısametrajlı bədii-sənədli | 17.04.2025-23.04.2025 | Cinemastercard | Global Media Group | Yusif Ələkbərzadə | Fuad Hüseynəliyev | dram |
| 16 | Doğma torpaq (2025) | 24.04.2025-25.06.2025 | Cinemastercard, Park Cinema, Nizami Kino Mərkəzi | Narimanfilm | İlqar Safat | Nəriman Məmmədov | dram, döyüş |
